Қазақстанда алғаш рет ENACTUS Студенттік кәсіпкерліктің Әлемдік кубогы өтеді. Қазақстанда 33 елдің студенттері, кәсіпкерлері, академиялық көшбасшылары мен корпоративтік бизнес басшылары осы орасан зор оқиғаға жиналады.

ENACTUS студенттерінің барлық бизнес-жобалары БҰҰ — ның тұрақты дамуының 17 мақсатына жетуге бағытталған және болашақ бизнес көшбасшыларының мансабының бастауы болып табылады! Әлемдегі 1000-нан астам университеттер студенттердің көшбасшылығы мен іскерлік дағдыларын дамыту үшін тәжірибеге бағытталған ENACTUS платформасын пайдаланады. 

ENACTUS World Cup — бұл 2001 жылдан бастап жыл сайын өткізіліп келе жатқан және кәсіпкерлік қызмет арқылы әлеуметтік бастамалар мен прогресті көрсетуге мүмкіндік беретін іс-шара.

Әлемдік кубокты өткізу құқығы — бұл ENACTUS-тың Қазақстандағы соңғы 15 жылдағы жетістіктерін мойындау, сондай-ақ халықаралық әріптестер тарапынан жоғары сенімнің дәлелі.

ENACTUS әлемдік кубогының алаңы әлемнің түкпір-түкпірінен келген жас кәсіпкерлер арасында білім, идея және тәжірибе алмасу үшін жарыс форматында 2000 қатысушыны біріктіреді. Жастар экологиялық мәселелерді шешудің инновациялық тәсілдерін көрсететін, тұрақты қоғамдастықтардың дамуына ықпал ететін және адамдардың өміріндегі оң өзгерістерге шабыттандыратын өз жобаларын ұсынады.

Қазақстанның мүддесін Иactus Kazakhstan 2024 Ұлттық чемпионы — И. Жансүгіров атындағы Жетісу университетінің командасы, Талдықорған қаласы қорғайды.